Jek Akeh Tugase Sing Durung Mari

Anggota DPRD Suroboyo Mahfudz. (Foto: Ditya Hanif/Ngopibareng.id)

[ad_1]

DPRD Surabaya ndelok kerjone Eri Cahyadi mbek Armuji dadi Walikota karo Wakil walikota durung sip. Jare Anggota Komisi B DPRD Suroboyo, Mahfudz, jek akeh PR gawe Eri-Armuji. Salah sijine masalah ekonomi pas pandemi iki.

Mahfudz ngomong, Eri Armuji iki durung iso nggandeng wong dodolan sing ning ngisor utowo UMKM iki. Soale Eri Armuji iku malah nggandeng UMKM sing duik e wes gede lan akeh. Gak iku tok, jare Mahfudz sing wong asli Suroboyo iku, jek uakeh PR e Er-Ji gawe Suroboyo. Opo maneh warga Suroboyo butuh ngewaregi wetenge pas ono covid iki.

“Sakjane di masa Eri-Armuji iku isok nggawe terobosan sing luwih banter lan apik, soale wes akeh kelonggaran-kelonggaran. Tapi nyotone kan durung onok,” jare Mahfudz, Kamis 10 Maret 2022.

Jare Mahfudz, Er-Ji tau onok acara sing nggedekno UMKM. Tapi sing melok acara iku sing UMKM regone larang-larang. Kudune kabeh UMKM dijak nang acara iku. Karo sing masalah e-peken programe Eri iku. Program iku jek angel diakses karo ASN dan wong sing dodol. Moso sing tuku kudu telpon bakul e sek sakdurung e tuku. Kudune sekali pencet wes iso langsung tuku mbek mbayar.

“Konsep sekedar konsep akhire. Implementasi ning ngisor jek kocar-kacir. Sing tak delok, Er-Ji iki nggandeng e UMKM sing resik, sing gak becek. Lha iku sing dikei failitas pameran karo Walikota iku. Eri-Armuji jek duwe kesempatan gawe memperbaiki rong taun iki. Tapi kudu ono niat, nek gak gelem yo wes,” jarene.



[ad_2]

Tinggalkan Balasan

Alamat email Anda tidak akan dipublikasikan. Ruas yang wajib ditandai *